Diputaciones, na cuerda floxa


Ca vuelta más grupos tan pur fuliminare las Diputaciones cun tou tipu d'argumentos.

El más recurrenti yía que los miembros la diputación nun son ellexios direutamente pulos votantes.

L'únicu organismu que puede fardare de sere frutu d'elleición direuta pulos votantes, yía'l Senáu, que amás yía, xuntu las Diputaciones, el que según mueitos tamién sobra.

El restu, Congresu, Autonomías y Ayuntamientos nun s'elixe a la presona, sinon a una llista que presenta ca partíu. Llista que si, casi siempres yía respetada de tiesta a cola pa ocupare los sillones, peru que nun yía obligatoriu respetar esi orde. Y tou esu ensin cuntar que pasadas las elleiciones mueitas vueltas camudase cualesquier representante cuandu a ca partíu le peta, y nun pasa un res. Ou lu que yía lu mesmu, la xente nun ellixe a la presona, sinon que vota pul partíu y llueu el partíu diz quien ocupa ca sillón ¿Dalguna desemeyanza cuna elleición de los miembros de la Diputación? DENGUNA.

Pur esta regla, amás de las Diputaciones, sobran Congresu, goviernos autonómicos y Ayuntamientos.

Outra escusa yía el gastu. Si yía caru atender a las piqueñas poblaciones, cumu sedrá si sacamos las cuentas de las grandes ciudaes. Peru, ta nidiu, nos pueblines vive xente cenciella, ensin más necesidá que vivire tranquila y finare casi de la mesma forma, mentatu las grandes ciudaes se vive cun priesa, con tolas comodidaes, y tamíen cun tolos vicios, y esu tien que pagase.

Tamién falase de la corrución. Paez que pulas Diputaciones pasan mas corrutos que nel restu de las istituciones ¿De seguru? A vere.... casu Púnica, investigaos (que agora ya non son imputaos) dende Alcaldes ata Presidentes de comunidáes autónomas. Casu Eres, invetigaos sobru tou cargos autonómicos. Trama eólica, esa que la Xunta l'exendru tan investigandu peru en secretu, tamien apunta a cargos autonómicos. Gürtel, de tou y pa toos, ensin esceición. Casu Taula, tou un ayuntamientu investigau. Casu Pujol, autonómicu. Y podríase sigire cun mueitos casos más, que hay pa tous ensin esceición.

De nuevu, pula mesma regla, amás de las Diputaciones, sobran Congresu, goviernos autonómicos y Ayuntamientos.

¿Que más escusas? A si, dalgunos que dicen que sobran las diputaciones, peru lu dicen dende autonomías uniprovinciales, y asina yía fácil elliminare diputaciones d'outros, purque nas autonomías uniprovinciales nun tien dengún problema de centralismos ou discriminaciones p'hacia outros territorios que nun seyan la provincia onde tan las sedes autonómicas, que non siempres son capitales.

Pa finare, purque paez que non sobras tolas diputaciones. Si dalgunas son tan bonas ¿purque nun cunvertire'l restu al modelu d'esas que son tan bonas?

Y pur outra parte, istituciones que furrulan dende va más de dous sieglos, cun tolas lluces y solombras, peru más de 200 años, nun  pueden sere tan malas. Mentantu, outras que solu chevan unas poucas décadas ya tien demostráu las suas debilidaes ¿Cual sobra antes?

Camienten señores politicos, camienten..... y nun tenten engañare y quitase d'en mediu lu que nun saben arreglare, deixandu abadonaos milentos de pueblines que tien tantu dreichu ou mas que las grandes ciudaes a sobrevivire, purque la mayoría d'eisos pueblines son l'orixe de tola xente qu'agora facen que furrule tolu que yes rodeya.

Publicar un comentario

Entradas populares de este blog

Las gallinas cacarean y los gallos cantan, cantos y cacareos siempre acaban igual

Los medios no diferencian entre región y comunidad autónoma

Los signos de interrogación y admiración