martes, 4 de junio de 2013

Baixa'l paru ¿a que preciu?

El gobiernu ta que nun entra na sua camisa, el paru rexistrau en mayu baixou en 98.265 presonas. Un datu bonu dientru del desastre, peru en dengún casu pa tirare cuetes.

Primeiru. Purque mayu yía un mes nel qu'entaman las contrataciones estacionales pa preparare la campaña de branu, ensin esi tipo de contratos, el paru solu baixa en menos de 300 presonas.

Segundu. ¿Purque un datu cumu esti yera malu en 2011 y agora yía bonu? Yía una burlla a l'intelixencia de los ciudadanos. Si en 2011 nun fou solución, agora mueitu menos.

Y treceru. ¿A que preciu pagamos estos datos? El preciu yía'l de recortare tolos servicios públicos, el de recortare los sueldos, el de perder tou tipu de dreichos sociales, y sobru tou sere contrataos cumu esclavos y non cumu trabayadores cualificaos (solu un 7.5% de los contratos son indefinios)

Y cun esi preciu ¿onde cabe l'allegria ou los glayos d'alborociu d'un gobiernu que sige estrociandu la vida de tantos ciudadanos?
Ta nidiu que tentan distrayere l'atención pa segir recortandu, cumu ordena Europa.
Las empresas ya tien a los sous esclavos, agora necesitan el llatigu pa controlalos.

A la fin, el preciu yia'l de siempres, los ricos ganan, mientras el pueblu chanu lu pierde tou, ata los dreichos más fundamentales. Nun hay nada pa reyise, solu pa chorare, peru sobru tou pa segir lluchandu escontra un sistema corrutu , mintirosu y manipulador.