Escontra la democracia

L'últimu atentáu escontra la democracia chega dende los conceyos governáos pul PP de tou l'estáu hespañol.

Primeiru esixenun que cualesquiera que quixera presentase a las elleiciones, y non tuviera representación previa, antias tenga que recueyere avales pa d'eillu, yía dicire, el piqueñu tien que presentase duas vueltas, mentantu los outros non tien que pasare pur eillu. Ou lu que yía lu mesmu, nun toos son eguales, nun hai democracia cuandu nun hai igualdá.

Lluéu dicen que tien que recurtiare los parlamentos pur aforrare, peru lu ciertu yía que nun yía pur aforrare, sinón pur reducire las posibilidaes a esos partíos piqueños que tien de lluchar escontra los grandes partíos cun grandes recursos, pa sacare votos abondos pa podere ser escuitaos nas istituciones.

Y si tou estu nun yía abondu, agora paez que la mayoría solu yía'l que ta cun unu, peru nunca'l que ta escontra. Dende las mayorías asolutas de tolos conceyos tan urdiendu un golpe a la democracia pa dire toos xuntos escontra d'aqueillos que nun tan cun eillos, sinón cun outros.

Lu mas sospechosu yía que tengan tanta priesa pur eillu a poucos meses de las elleiciones. Ta nidiu que tien mieu, sobru tou tras el fracasu de las cabeiras elleiciones uropeyas. Y en vuelta de pretendere ganare dende la democracia, quieren ganare dende la manipulación de la llexislación ensín el consensu de tolos ciudadanos. Yía dicire, dende la ditadura de la mayoría asoluta.

Purque una cousa yía llexislare dende cierta ideoloxía, y outra yía llexislare p'emponere pa siempres la sua ideoloxía, camudandu lleis fundamentales pa la democracia.

Tolos ciudadanos y tolos partíos, grandes y piqueños, que aún creyan dalgu na democracia, tien l'obligación de parare esti atentáu y nun deixare que la ditadura torne de nuevu al estáu hespañol. Amás de tornar a recuperar el camín perdíu.