jueves, 23 de mayo de 2013

Tres la resaca, tou ta cumu siempres, glayandu y chistandu.

Van deillos días dende la manifestación en Salamanca y la resaca inda continua, sobru tou nas redes sociales que sigen espublizandu las mesmas semeyas y los mesmos artículos una y outra vuelta. Peru.... tras la resaca ¿que?


Pues, tres la resaca, más de lu mesmu, nada de nada. Tou sige cumu siempres, vuelta a chamare pa unu ou outru sitiu pa vociare, peru ensín nada concretu que premita gueyar una ventana d'asperanza 



Paez que yá tá tou feichu pur unos meses, lluegu outra resaca y outra... y outra, asina tá'l llïonesismu.

Suenan voces, rumores y outros dicires cuna ñuncia d'una nueva vía política, peru cumu siempres, son esu, voces, rumores y outros dicires, illusiones que nun chegan a plasmase en momentu dalu. Non pur falta ganas, que tolos llioneses tienen, sinon pur falta compromisu. Nun yía la primeira, ni sedrá la cabeira vuelta que se proyeute una nueva vía  y nun sedrá la primeira, nin sedrá la cabeira que la falta d'humildá, compromisu y flesibilidá, dará'l traste cun tolu proyeutau.

D'outra parte tá'l regalín "quiciabesmente envenenau" a UPL na encuesta del diariu "La Razón", peru d'esu miyor nun falare, sólu val pa qu'UPL siga cul sou cortixu ensín decatase de lu que pasa fuera d'él.

Aparte d'estu, nada nuevu baxu'l cielu. El llionesismo sige perdiu, cun miedu a dar la cara.

Tornamos a la rialidá del llionesismu, una outra vuelta torna la discusión sobru cumu yía ou tien de sere la bandeira, que si un color ou outru, que si el llión d'un xeitu ou outru, outra vuelta a repartire carnés de llïonesismu , ou a falare sobru'l territoriu , peru nin una alegación escontra'ĺ proyeutu de reforma territorial a la que yá se chega tarde pur parte'l llïonesismu, y esu ensín esqueicere las lleiciones de llïonesismu, cumu si esistiesen catedráticos na materia, ect, ect, en poucas pallabras, mareandu la perdiz pa nun facer NADA. 


Podría camentase que tres la manifestación más grande de los cabeiros años dalgu camudaría, peru cumu yía habitual, tou torna a sere cumu siempres. Mueitas illusiones, mueitas ideyas, dengún compromisu. Y pur supuestu, una outra vuelta las milenta bandeiras, salvu las esceiciones de siempres, recueyendu polvu ensín volver a ondeyare.

La triste rialidá del llionesismu qu'outra vuelta s'entruga.... ¿Y agora que? ou tamién ¿ata cuandu? ou quiciabes ¿onde tán tolos que glayaban y agora chistan?

Seya cumu seya, los qu'atacan al Pais Llïonés solu temen una cousa, y esa cousa yía la perdida de votos. Mientras toos esos que tantu glayan escontra'l País Llïonés y solu miran pal autual modelu autonómicu fracasau nun vean pelligrare los sous puestines, tou sigirá igual. A vere cuandu los llioneses pescanciamos d'una vuelta que pur mueitu que glayemos, solu saldremos del furacu dende una via politica fuerte y seria, nun a base de glayare guei y chistare al día sigiente, ni cun proyeutos politicos que finan siendu cortixos de cuatru collacios.

Tantu dende'l goviernu d'Hespaña, cumu dende l'enxendru autonómicu yá tien puestas las bases pa fuliminare'l Pais Llïonés, y eiqui sigimos peleandu pul color de la bandeira ou repartiendu carnés de llïonesistas. Asina nos va, tán candandu tou, y sigimos glayandu y chistandu ensín mirare pal futuru, solu pal embligu de caún.

2 comentarios:

lector dijo...

El leonesismo de base, el que se muestra como mayoritario es como tú lo reflejas. Ni más ni menos. Es escandaloso en voces previas, taimado en acciones y receloso el día después. No admite ni debates ni reflexiones ni tiene capacidad de acción aparte de victimismo, más victimismo y luego más victimismo.
Y lo siento, porque soy leonesista, pero cuando veo esos debates y mensajitos previos a las manifestaciones de cientos de personas por internet que luego o son todas la misma o no existen o es que tienen cosas mejores que hacer, y luego desembocan en fracasos estrepitosos de concentraciones y acciones, se me cae el alma. Yo ya lo se hace muchos años, pero la mayoria parece que no se quiere enterar y prefiere vivir en su pequeña burbuja.
Saludos.

elialalric dijo...

¿leonesismo de base? ¿hay otro leonesismo?
Aparte de esto, es cierto que los fracasos por un lado, el artazgo por otros, nos lleva en muchas ocasiones a la tentación de dejarlo todo. Pero como leonesistas, que creemos en esta tierra ¿se merece que la abandonemos y la dejemos en manos de esa línea tan poco comprometida?