Mayu y 1, dia'l trabayu dinu


Pa dalgunos el día'l trabayu (mayu y 1) solu yía una fiesta los sindicatos. Yía ciertu que'l Mayu y 1 tien mueitu de vere cunos sindicatos, sobru tou cunos sindicalistas asesinaos pur defendere los dreichos los trabayadores. Y pur esu nun yía una fiesta, sinon l'alcuerdu de que los dreichos los trabayadores nun son de baldre, sinon que fonun pagos cun sangre.

Nun yía obligatoriu asistire ou tare d'alcuerdu cun unu ou outru sindicatu pa cellebrare, ou miyor dichu, reivindicare, esti día, sinon que ye obligau alcordar a dalgunos que la llucha obrera tá viva.
Y lu mesmu que tien de sere alcordau pulos gobernantes, tamién pulos sindicatos.Yía ciertu que cabeiramente dalgunos sindicatos relaxaronse más de la cunta ou nun autuaron cumu s'asperaba d'eillos, peru esu nun yía razón pa inorar esti día, sinon más bien pa tenelu más en cunta y, seya'l llau d'esos sindicatos, ou pur outru llau, nun esqueicere los que llucharon escontra los patronos que tentaban d'esclavizare a los trabayadores en vuelta de tratalos cumu presonas.

La manipulación, las mentiras, los intereses creyaos pula clas politica y empresarial sige siendu'l pior enemigu la llucha obrera.
La relaxación los sindicatos nun yía la pior problema, el gran enemigu ye la relaxación del pueblu y l'aceutación las reglas de xuegu del capitalismu ensín escrupulos.
Si el pueblu esqueice la llucha de quienes finaron los sous días pur defendere los dreichos de toos, el pueblu finará siendu l'esclavu d'un sistema que nun tien escrúpulos p'asesinar al que solu pide dinidá.

Y pa los que tienen la tentación de dicire qu'esti dia nun representa a los paraos, alcordayes que los paraos son frutu'l mesmu sistema que solu geta esclavizare a tolos trabayadores. Pulu que los paraos son sobru tou'l resultau de l'avaricia y la manipulación capitalista que nun quier ni trabayadores nin presonas, solu esclavos, ensín importare si chegan ou non a fin de mes. Y pur esu esti día tamién yía la reivindicación de tola xente qu'agora ta nel paru pula culpa d'esa avaricia y sobru tou pulas mentiras y la manipulación d'esu que chaman mercaos, peru qu'a la fin nun son más qu'esclavistas.
Publicar un comentario

Entradas populares de este blog

Las gallinas cacarean y los gallos cantan, cantos y cacareos siempre acaban igual

Los signos de interrogación y admiración

Los medios no diferencian entre región y comunidad autónoma