¿Estau la nación ou estau los partios?

¿Estau la nación ou estau los partios? Yía la entruga de los ciudadanos que nun pescancian cumu los politicos vuelven el llombu al pueblu.
Purque nel debate l'estau de la nación, dediconunse a tirase los trastos unos pa outros y non a falar de lu que priocupa a la xente.
Pa estu yía miyor nun facer un res, asína nun quedamos cumu l'estau bananeiru que somos ante'l mundu.

¿Esta yía la marca Hespaña que quieren mercar el PP y el PSOE (ente outros partios)? Pa esu yía miyor un combate nun ring de llucha llibre y se partan la cara, polu menos darían espetáculu.

Paez, ou quiciabes seya la cruda realidá, que l'único qu'importa yía salvar el traseiru de caun. Cumu dixu Montoro "que se caiga España que ya la levantaremos nosotros", dalgu que nun yía esclusiu del PP, sinon de tolos partios que deixan aparte tou solu pa entoxare'l sou egu.

Los ciudadanos ya tamos fartos de tantu "y tu más", qu'estu nun yía'l patiu'l colexu ¡coime!, estu yía'l futuru de las presonas. Nun puede xugase cuna xente que deixa de xantare pur llevar un cuscu de pan a los suos fiyos, ou nun tien onde vivire.
¿Que yía lu que quieren, un estau de primeira ou un país del tercer mundu? Purque agora lu que tien nas manos yía un país del tercer mundu, ensin dulda dalguna.

Lluegu s'estrañan qu'l pueblu marche pulas cais escontra tolos políticos ¿Qu'asperan cul exemplu que dionun nel debate l'estau la nación l'estau los partios?
Namás pur vergoña, ou pur dinidá, los afiliaos a los partios deberían esborriase del partiu, coyer el pendín  y deixar a los suos xefes cul culu al aire.
La gran entruga ¿onde ta la vergoña y la dinidá? Paez que puocos la conocen,  entoncias ¿quei diaños de politicos tenemos? A la fin, cumu suele dicise "Tenemos lu que nos merecemos" ¿ou non?
Publicar un comentario

Entradas populares de este blog

Las gallinas cacarean y los gallos cantan, cantos y cacareos siempre acaban igual

Los signos de interrogación y admiración

Los medios no diferencian entre región y comunidad autónoma