Empresarios y autonomía

Una encuesta reciente revelou lu que se gueyaba dende van años. El 71% los empresarios llïoneses dicen que tare dientru l'enxendru autonómicu formau pulas rexones de Llión y de Castiella, ye prexudicial pal sou negociu.
El deterioru empresarial llïonés nun ye nuevu, la rempuesta los empresarios ante'l desastre quiciabes si.

Pur desgracia, el seutor empresarial tuvu lligau demasiáu tiempu a la casta política autonómica, seya pula necesidá de pagare favores ou pur recibilos. Y esa amistá sige llastrandu las empresas llïonesas, que pur non enfrentase a las vieyas amistades, más pelligrousas qu’enxamás, sigen perdiendu un tarrén que prontu sedrá inrecuperable.
Anque dende las cortes autonómicas lu ñegen, el centralismu agresivu exercíu dende la sua nacencia, en detrimentu sobru tou de las provincias del oeste, ye la costante que va llevase pur alantre mueitas empresas, obligandu, baxu presión, a qu'outras tengan de camudare la sua sede pa fuora las tierras llïonesas.

¿Tan abegosu yera ver este panorama? Y tovía más ¿tantos favores se deben pa que l'entramau empresarial llionés, siga ensín revelase tres trenta años de robos y manipulaciones pula parte’l goviernu autonómicu?
La gran torga ye que la política llïonesa tá, igualmente, demasiau supeditada a las cúpulas autonómicas, incluyíu dalgún partíu de los chamaos llïonesistas, mientras outros cenciellamente nun pintan un res.

Peru lu pior ye qu'ente unos y outros, la casa queda ensín barrere.

Si esta situación tuviese asocediendu n'outras rexones, ya taria puestu'l glayíu nel cielu, ya tendrían movidos los filos politicos necesarios pa solucionalu. Peru la peculiar situación llïonesa, las presiones dende l'almistración autonómica y tamién dende’l goviernu central, sigen amosandu la cara más amarga de la hestoria reciente del estau las autonomías. Aquéilla que pur "razones d'estau" vendiera a los llïoneses, y la qu'agora sige pasandu una fautura que nadie nun quier pagar ou devolver pur improcedente.
Lluéu sedrá demasiau tarde. Agora ye'l momentu ¿qu'asperan pa camudare'l futuru?